ÖdduBlogg

Lélegur bloggari :(

2006-04-27T00:12:00.000Z

Vitiði að ég er alveg skuggalega skrýtin, oft á kvöldin þegar ég ligg upp í rúmi bara á leiðinni að sofa, þá hugsa ég að ég þurfi að blogga og svo fer ég að semja heilu bloggin í huganum. En samt blogga ég aldrei?! Það er allaveganna hálfur vandinn unnin þegar hann er viðurkenndur, er það ekki?
Skólinn er svona nánast búinn, frí í tvær vikur og svo þrjú próf. Maður ætti að geta bjargað því, maður hefur nú bjargað öðru eins áður ;) Annars hef ég ekki hugmynd um hvað ég ætti að eyða þessum tveimur vikum í, flestir myndu segja læra! en æji ég veit það ekki, ég er of kærulaus held ég :)
Svo er bara fríhelgi þessa helgi og ég og Erla ætlum að gera eitthvað ýkt skemmtilegt á föstudeginum og svo er hitt allt óráðið en hver veit nema það endi með einhverjum skandala :P þeir eru nú sjaldan óséðir þar sem ég og Erla komum við ;)

Páskafrí :)

2006-04-10T13:43:00.000Z

Yay! það er komið páskafrí, sem þýðir að nú verða engir kennarar að bögga mig, bara ljótar hjúkkur á Hrafnistu! Sko ég held samt að ég sé eitthvað veik því ég fæ bara gubbuna upp í háls þegar talað er um páskaegg, mig langar ekki neitt í slíkt dót :/ sem er nú kannski ekki líkt mér, nammigrísinn sjálfur :)
Ég er orðin stoltur iPod video eigandi, ég festi kaup á einum slíkum um daginn og hann heitir Engilbert og gæti ekki virkað betur held ég :)
Ég er svo lélegur bloggari að það er mér til skammar :/ svo segist ég alltaf ætla að standa mig betur en ekkert gerist! Ég ætla því bara að halda áfram að blogga annað slagið, það fer mér ágætlega :)
Eftir að ég kom heim er ég alltaf að sjá betur og betur hvað íslendingar eru ógeðslega dónalegir! Ef þeir á annað borðið bjóða góðan daginn er eins og að þeir séu með spýtu upp í rassinum á sér!
Jæja Addan kveður með bros á vör í páskafríi :D

Kom heim með góða veðrið með mér ;)

2006-03-31T11:56:00.000Z

Jæja þá er Addan aftur komin á klakann, og eins og glöggir tóku eftir þá tók ég góða veðrið með mér frá Flórída, hitinn er reyndar ennþá ofan í tösku og súkkulaðið er í skrifborðsskúffunni á herbergi 415 á Marriott hótelinu á Westshore Boulevard, sorry Snorri minn :) Svana sagði líka að þú hefðir ekkert gott af þessu súkkulaði :P
Allaveganna þá var alveg sjúklega gaman úti. Fyrstu nóttina gistum við í Orlando á La Quinta hóteli, 21.mars keyrðum við til Tampa. Frekar flott að fá að keyra svona bara í Bandaríkjunum og fá að skoða allt þetta Ameríska dót, ég sá amerískar beljur og ameríska hesta, og svona hjólhýsahverfi og svo sá ég Amerískan kirkjugarð ;) Sama dag og við komum til Tampa keyrðum við í svona 40 mínútur í eitthvað Outlet Mall, ég keypti ekkert nema tvo boli og úr, var svoldið nísk fyrstu dagana, en svo tókst mér að eyða 80þús kalli á einu bretti :) Svana segir að það sé afrek :)
Dagarnir í Tampa voru æðislegir, hótelið sem við vorum á var sko algjör lúxus og starfsfólkið í líkingu við það :) Á föstudeginum drifum við Bína okkur í Busch Garden sem er svona skemmtigarður, fullt af flottum rússíbönum og fullt af ýkt flottum dýrum :) Ég ætla pottþétt að fara aftur þarna til Tampa áður en ég dey því þetta er bara æðislegur staður í einu og öllu og geðveikt kurteist fólk þarna :)
Það er samt rosa gott að vera komin heim, þó ég sé orðin raddlaus en það var sko best í heimi að fá að knúsa mömmu og pabba og hitta alla krakkana aftur :) en jæja þetta var nú ferðasaga í grófum dráttum..ef ég hitti ykkur þegar ég fæ röddina aftur skal ég segja ykkur lengri útgáfuna :)

Sólin rís í austri

2006-03-15T18:31:00.000Z

Já ég fékk að fara niður í Alþingi í dag en ég sá engan frægan og mér finnst það lélegt :( hins vegar fékk ég að vita það hver á metið i að halda lengstu ræðu sem haldin hefur verið á Alþingi og það er hún Jóhanna "Minn tími mun kom" Sigurðardóttir, hún talaði einu sinni í 10 klukkutíma og 7 mínútur, sem er sjúkt. Hvað ætli konan hafi verið að segja? Tyggja það heldur betur ofan í liðið að hennar tími muni koma? Tjah ef svo er þá eru þeir búnir að ná því núna.
Ég náði líka í vegabréfið mitt í dag, því eins og flestir sem ég þekki vita er ég á leiðinni til Flórída á mánudaginn. Flórída a.k.a The Sunny state (eða eitthvað), ég hlýt að koma hel tönuð til baka með fulla tösku af nýjum fötum :)
Félagsfræði verkefnið okkar stelpnanna gengur líka svona glimrandi vel, mig grunar að við séum komnar lengst af öllum hópunum. Það væri mín ósk ef að við gætum bara klárað þetta allt áður en ég færi út, allaveganna ef við höldum svona áfram áður en ég fer þá ætti ekki að vera mikið eftir þegar ég kem til baka :) Búið að klippa vídjóið, og þetta er algjört meistaraverk, enda ekki við öðru að búast af snillingum eins og okkur ;)
En jæja ef að Sveinn íslensku kennari vissi að ég væri að eyða tímanum í að blogga en ekki að læra undir prófið á morgunn yrði hann sko ekki paránægður, því kveð ég ykkur með bros á vör og sekk mér ofan í "Bók af Bók"

Andvaka

2006-03-14T10:20:00.000Z

Andvaka eða ekki andvaka, tjah ég er allaveganna ekki sofandi :) sko ég veit ég er ábyggilega lélegasti bloggari sem um getur, en ég ætla samt að reyna að taka mig á, ég er orðin leið á blog.central og færði mig því hingað, sjáum til hvernig það endar :)
Annars er allt á hundraði í skólanum og fullt af prófum og verkefnum að gera okkur lífið leitt. Svo ofan á alla delluna í skólanum er vinnan líka litlu skárri.
Ég, Svana og Rut kláruðum að klippa félagsfræði vídjóið með Sigga og Magga í kvöld, og þá er einu fargi af manni létt, annars tók ég eftir leiðinlegum mistökum þegar ég var að sýna pabba þetta svo að Siggi er ekki alveg laus við okkur ennþá :) ég vorkenni honum samt ekkert, við erum svo geðveikt skemmtilegar :)
Annars er ég í ekkert spes skapi, fólk er svo misjafnlega úr garði gert og það vantar einfaldlega í suma kaflann um kurteisi og umburðarlyndi. En jæja maður á víst ekki að setja út á aðra heldur bara líta í eigin barm, það setja samt allir út á einhvern, einhvern tímann :) þú líka ;)
En jæja ég er að hugsa um að fara að telja kindur, sem hefur reyndar aldrei virkað hjá mér, en allt er einhvern tíman fyrst ;)